पूजाको अलराउन्ड प्रदर्शनसँगै नेपालको जित

काठमाडौं। उपकप्तान पूजा महतोको अर्धशतकसँगै नेपालले एसियन गेम्स महिला छनोटमा विजयी सुरुआत गरेको छ।

बुधबार सम्पन्न खेलमा नेपालले चीनलाई रनले हराएको हो। योसँगै २ अंक जोडेको नेपालले सेमिफाइनल खेल्ने सम्भावना बलियो बनाएको छ।

अब नेपालले अन्तिम खेल इन्डोनेसियासँग खेल्नेछ। नेपालले दिएकफ १२६ रनको लक्ष्य पछ्याएको चीनले निर्धारित २० ओभरमा ५ विकेट गुमाउँदै १०६ रन बनायो।

चीनकी कप्तान मिङ्यु झुले सर्वाधिक ३० रन बनाइन्। २८ बल खेलेकी उनले २ चौका प्रहार गरिन्। वाङ हुइङ २१, वेई हाइटिंग १८ र जियापिङ लि १५ रनमा आउट भइन्।

नेपालकी रिया शर्माले सर्वाधिक २ विकेट लिइन्। मनिषा उपाध्याय, कविता कुँवर र पूजा महतोले समान १ विकेट राखे।