मलेसियाविरुद्धको सिरिज क्लिन स्वीप

काठमाडौं। नेपालले मलेसिया टी–२० आई सिरिज क्लिन स्वीप गरेको छ।

शुक्रबार सम्पन्न खेलमा नेपालले घरेलु टोलीलाई सात विकेटले हराएको हो। पहिलो खेलमा नेपाल २ विकेटले विजयी भएको थियो।

मलेसियाले दिएको ८३ रनको लक्ष्य नेपालले १६ ओभरमा ३ विकेट गुमाउँदै भेटायो।

नेपालकी ओपनर सम्झना खड्काले सर्वाधिक ३९ रन बनाइन्। ३७ बल खेलेकी उनले ३ चौका प्रहार गरिन्।

पूजा महतो ८ र सोनी पाख्रिन १२ रनमा आउट हुँदा कविता कुँवर १९ रनमा अविजित रहिन्।