फाकुनलेको दुई गोलसँगै चर्च ब्वाइजको दोस्रो जित

काठमाडौं। अबोयमी फाकुनलेको दुई गोलसँगै चर्च ब्वाइज युनाइटेडले राष्ट्रिय लिगमा सानदार जित निकालेको छ। _ज

त्रिपुरेश्वरस्थित दशरथ रंगशालामा आइतबार सम्पन्न खेलमा चर्च ब्वाइजले जाउलाखेल युथ क्लबलाई ३-० ले हराएको हो। योसँगै चर्च ब्वाइजले तीन खेलबाट चार अंक पुर्याएको छ। जावलाखेलको समान खेलबाट तीन अंक छ।

खेलको २६ औं मिनेटमा चर्च ब्वाइजका मिलन राईले प्रहार गरेको बल जाउलाखेलका गोलकिपर युनिस चौधरीले बचाउ गरे।

५५औं मिनेटमा चर्च ब्वाइजका अबयोमीले गोल गर्दै खेलमा अग्रता लियो। ६०औं मिनेटमा मिलनले गोल गर्दै चर्च ब्वाइजको अग्रता दोब्बर बनाए।

६८औं मिनेटमा अबयोमीले व्यक्तिगत दोस्रो गोल गरे। योसँगै चर्च ब्वाइजले ३-० को सहज जित हात पार्यो।