एपीएफको रोमाञ्चक जित

काठमाडौं। एपीएफ क्लबले राष्ट्रिय लिगमा तेस्रो जित दर्ता गरेको छ। त्रिपुरेश्वरस्थित दशरथ रंगशालामा आइतबार सम्पन्न खेलमा संकटा क्लबमाथि २–१ को रोमाञ्चक जित हात पारेको हो।

खेलको २९औं मिनेटमा प्रदिप लामाले गोल गर्दै एपीएफलाई अग्रता दिलाए। खेलको ४४ औं मिनेटमा एपीएफका कप्तान युवराज खड्काको प्रहार संकटाका गोलकिपर रोक्न सफल भए।

४५ औं मिनेटमा पनि सविनकुमार लुङ्गेली मगरले पेनाल्टी भित्रबाट गरेको प्रयास उत्कृष्ट बचाउ भयो। ५०औं मिनेटमा कप्तान युवराज खड्काले गोल गर्दै एपीएफको अग्रता दोब्बर बनाए। ६२औं मिनेटमा बुद्धिमान् राईले गोल गर्ने अवसर पाए पनि पेनाल्टी बक्सभित्रको प्रहार पोस्ट नजिकैबाट बाहिर गयो।

६५औं मिनेटमा सविनको पासमा गणेश हमाल र दिव्य विक्रम चौधरीले उत्कृष्ट गोल गर्ने अवसर पाएका थिए, तर गोलमा परिणत गर्न सकेनन्।

८१ औं मिनेटमा संकटाका गणेश हमालले एक गोल गरे पनि खेलको परिणाम उल्टाउन सकेनन्।