एनआरटीको लगातार तेस्रो जित

काठमाडौं। न्युरोड टिम (एनआरटी)ले राष्ट्रिय लिगमा लगातार तेस्रो जित हात पारेको छ।

सातदोबाटोस्थित एन्फा कम्लेक्समा आइतबार सम्पन्न खेलमा एनआरटीले फ्रेन्ड्स क्लबलाई १–० ले हराएको हो।

जितसँगै एनआरटीले चार खेलबाट ९ अंक पुर्‍याएको छ। यता फ्रेन्ड्सको भने समान खेलबाट ४ अंक छ।

एनआरटीको जितमा एक मात्र गोल आशिष गुरुङले गरे। उनले खेलको ६७औं मिनेटमा गोल गरेका थिए।