महिला कबड्डी विश्वकपमा नेपालको तेस्रो जित

काठमाडौं। नेपालले महिला कबड्डी विश्वकप–२०२५ मा तेस्रो जित हात पारेको छ।

बंगलादेशको राजधानी ढाकामा जारी प्रतियोगिताको पुल ‘बी’ अन्तर्गत बिहीबार भएको खेलमा नेपालले केन्यालाई २८–२१ ले पराजित गरेको हो। योसँगै नेपालले ४ खेलबाट ६ अंक पुर्‍याएको छ।

नेपालले पहिलो खेलमा जन्जिबरलाई ५८–१६ ले हराएको थियो। पोल्यान्डलाई ६३–२५ ले पाखा लगाउँदै फराकिलो जित निकालेको नेपालले तेस्रो खेलमा भने चाइनिज ताइपेईलाई ३१–१५ को नतिजा सुम्पिएको थियो।

अब नेपालले शनिबार इरानसँग प्रतिस्पर्धा गर्दै लिग चरणको खेल सकाउने छ।