महिला कबड्डी विश्वकपमा नेपाल पराजित

काठमाडौं। महिला कबड्डी विश्वकप–२०२५मा नेपालले पहिलो हार बेहोरेको छ।

बंगलादेशको राजधानी ढाकामा जारी प्रतियोगिताको पूल ‘बी’ अन्तर्गत भएको खेलमा चाइनिज ताइपेईसँग नेपाल ३१–१५ को फराकिलो अन्तरले पराजित भएको हो।

खेलको सुरुवातमै आक्रमक प्रदर्शन गरेको ताइपेईले लगातार अंक बटुल्दै अग्रता बनायो। नेपालले भने केही सफल रेड र बचाउका प्रयास गरे पनि प्रतिद्वन्द्वीको गति र रणनीतिलाई रोक्न सकेन।

नेपालले पहिलो खेलमा भने खेलमा जन्जिबारलाई ५८–१६ ले पराजित गरेको थियोे।

यस हारसँगै नेपालका लागि विश्वकपको यात्रा चुनौतीपूर्ण बनेको छ। आगामी खेलहरूमा उत्कृष्ट प्रदर्शन गर्दै पुनः लयमा फर्कने नेपालको लक्ष्य रहनेछ।_अ