दक्षिण एसियाली एथलेटिक्समा नेपाल तेस्रो
काठमाडौं। भारतले चौथो दक्षिण एसियाली सिनियर एथलेटिक्स च्याम्पियनसिप–२०२५ मा समग्र उपाधि जित्दै आफ्नो वर्चस्व पुनः कायम गरेको छ।
बिर्सा मुन्डा रंगशालामा सम्पन्न प्रतियोगितामा भारत २० स्वर्णसहित कुल ५८ पदक जित्दै शीर्ष स्थानमा रह्यो। श्रीलंकाले १६ स्वर्ण र ४० पदकका साथ दोस्रो स्थान हासिल गर्यो भने नेपालले दुई रजत र चार कास्य जित्दै तेस्रो स्थानमा आफूलाई सुरक्षित गर्यो।
बंगलादेशले तीन कांस्य र माल्दिभ्सले एक कांस्य पदक जिते। भुटान भने यसपटक पदकविहीन रह्यो। नेपालका खेलाडीहरूले सीमित अवसरका बीच पनि उल्लेखनीय प्रदर्शन गरे।
पुरुष १० हजार मिटर दौडमा राजन रोकायाले ३० मिनेट २९.४६ सेकेन्डको समय निकाल्दै रजत पदक जिते। त्यस्तै, पुरुष ८०० मिटर दौडमा सोमबहादुर कुमालले उत्कृष्ट प्रदर्शन गर्दै रजत पदक हात पारे। यस्तै, सन्तोषी श्रेष्ठले पनि ५ र १० हजार मिटरम कास्य हात पारिन्।
