खुसी, गजेन्द्र र अभिषेक च्याम्पियन

काठमाडौं। खुसी विक, गजेन्द्र बर्देवा र अभिषेक परियारले शनिबार आठौं राष्ट्रिय स्केटबोर्ड च्याम्पियनसिपमा उपाधि जितेका छन्।

नेपाल स्केटिङ तथा स्केट बोर्ड संघको आयोजनामा सम्पन्न प्रतियोगिताको महिलातर्फ लेमन मगर दोस्रो र समीक्षा राई तेस्रो स्थानमा रहे।

यसैगरी पुरुषतर्फ शरद राई उपविजेता बन्दा बसन्त राईले तेस्रो स्थान हासिल गरे। जुनियरतर्फ अंकित विक दोस्रो र अविनाश कुमाल तेस्रो भए।

खुलातर्फका शीर्ष तीनले क्रमशः २५, २० र १५ हजार रुपैयाँ प्राप्त गरे। जुनियरतर्फ विजेताले १०, उपविजेताले ५ र तेस्रो हुनेले ३ हजार रुपैयाँ हात पारे।

विजेतालाई नेपाल स्केटिङ तथा स्केट बोर्डका अध्यक्ष अच्युत खनाल, संघका सल्लाहकार तथा प्रशिक्षक दिलिपराज बराल लगायतले पुरस्कार वितरण गरेका थिए।