काठमाडौं। पब्जी मोबाइल ग्लोबल ओपनमा नेपालको टिटुकेले चुनौती प्रस्तुत गर्ने भएको छ।
उज्वेकिस्तानको तास्केन्टमा प्रतियोगिता अप्रिल १० देखि १४ तारिखसम्म हुने तय छ। उक्त प्रतियोगितामा सहभागिता जनाउन चार खेलाडीसहित ६ सदस्यीय नेपाली टोली मंगलबार तास्केन्ट प्रस्थान गरेको छ।
प्रतियोगितामा सुविन प्रजापति (कप्तान), मौसम गुरुङ, दीपेश गुरुङ र अजय श्रेष्ठले प्रतिस्पर्धा गर्ने छन्। टोलीको नाम टिटुके राखिएको हो। प्रशिक्षकमा विपुल भट्टराई तथा व्यवस्थापकमा संगीता गुरुङ रहेका छन्।
टोलीलाई राष्ट्रिय खेलकुद परिषद् (राखेप) सदस्य एवं ई स्पोर्ट्स एसोसिएसन नेपाल (ईशान) अध्यक्ष अञ्जन धमलाले मंगलबारै एक कार्यक्रमबीच बिदाइ गरे।
-1744849937.webp)
-1744812857.jpeg)
