काठमाडौं। अस्ट्रेलियन ओपन कराते च्याम्पियनसिपमा नेपालका पाँच खेलाडीले चुनौती प्रस्तुत गर्ने भएका छन्।
अस्ट्रेलियाको सिड्नीमा अप्रिल ४ देखि ६ तारिखसम्म हुने प्रतियोगितामा एक पुरुष र चार महिला खेलाडीले सहभागिता जनाउने छन्।
प्रतियोगितामा सहभागी हुन पाँच खेलाडीसहित ९ सदस्यीय नेपाली टोली बुधबार सिड्नी प्रस्थान गर्ने भएको छ। टोली बुधबार राती ११:०० बजे प्रस्थान गर्ने तालिका छ। पुरुष ६७ केजीमुनि सन्तोष श्रेष्ठले प्रतिस्पर्धा गर्नेछन्।
महिला ५० केजीमुनि वर्षा बूढामगर, ५५ केजीमुनि पुष्पका लामा, ६८ केजीमाथि एरिका गुरुङ र ६१ केजीमुनि सविना श्रेष्ठले खेल्ने छन्। प्रशिक्षकमा कुशल श्रेष्ठ र मन्डेकाजी श्रेष्ठ, सहायक प्रशिक्षक र अफिसियलमा अमीर राना तथा निर्णायकमा तारा गुरुङ छन्।
