काठमाडौं। राष्ट्रिय यु–२० महिला रग्बी सेभेन्स च्याम्पियनसिपको सेमिफाइनल समीकरण पूरा भएको छ।
मंगलबार समूह चरणको खेलसँगै प्रतियोगिताको सेमिफाइनल समीकरण पूरा भएको हो। समूह ए बाट विजेता बन्दै नेपाल महिला रग्बी क्लब र उपविजेता बन्दै बागमती प्रदेश सेमिफाइनल प्रवेश गरेको छ।
समूह बी बाट सैलेश युथ क्लब समूह विजेता र कर्णाली प्रदेश उपविजेताको रूपमा अन्तिम चारमा प्रवेश गरेको छ।
अब फाइनल प्रवेशका लागि नेपाल महिला रग्बी क्लबले कर्णाली प्रदेश र सैलेश युथ क्लब कोशीले बागमती प्रदेशसँग खेल्नेछन्।
प्रतियोगिताको विजेताले ५० हजार सहित ट्रफी, मेडल, प्रमाणपत्र प्राप्त गर्नेछ।
उपविजेता टिमले ३० हजार रुपैयाँ सहित ट्रफी, मेडल र प्रमाणपत्र प्राप्त गर्ने आयोजक क्लबकी अध्यक्ष एलिसा थापाले जानकारी दिएकी छन्।
