हिमालयनलाई पराजित गर्दै धनगढी प्ले–अफमा

काठमाडौं। हिमालयन रेइडर्सलाई तीन अंकले पराजित गर्दै धनगढी वाइल्डक्याट्स नेपाल कबड्डी लिग (एनकेएल) प्ले–अफमा पुगेको छ।

त्रिपुरेश्वस्थित राष्ट्रिय खेलकुद परिषद् (राखेप) कभर्डहलमा शनिबार भएको लिगचरणको आफ्नो अन्तिम खेलमा धनगढीले हिमालयनलाई ४१–३८ ले पराजित गरेको हो। 

जितसँगै चौथो स्थानको धनगढीले पाँच खेलबाट ११ अंक पुर्‍याएको छ। समान खेलबाट ६ अंक जोडेको हिमालयन भने प्रतियोगिताबाट बाहिरिएको छ। योसँगै प्रतियोगिताको प्ले–अफ समीकरण पनि पूरा भएको छ।

जनकपुर नाइट्स, काठमान्डु माभरिक्स र विराटनगर विराटनगर ब्यान्डिट्स शीर्ष तीनमा रहँदै यसअघि नै प्ले–अफमा स्थान बनाइसकेका छन्।