काठमाडौं। हिमालयन रेडर्सले नेपाल कबड्डी लिग (एनकेएल) मा पहिलो जित हासिल गरेको छ।
त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा आइतबार सम्पन्न खेलमा हिमालयनले पोखरा लेकर्सलाई ३४-३० ले पराजित गरेको हो। जितसँगै हिमालयनले पाँच अंक जोड्यो। पोखराले भने एक अंक हात पार्यो।
हिमालयनले खेलमा पोखरालाई दुईपटक अलआउट गर्यो। पोखरा भने एकपल्ट मात्रै अलआउट भयो। पहिलो हाफमा हिमालयनले १३-११ को अग्रता बनाएको थियो। उक्त अग्रतालाई सुरक्षित गर्दै हिमालयनले पहिलो जित हात पारेको हो। यसअघि प्रतियोगिताको पहिलो खेलमा काठमाडौँ मार्भरिक्ससँग पोखरा पराजित भएको थियो। यता, हिमालयनलाई भने जनकपुरले पाखा लगाएको थियो।
-(2)-1737297635.jpeg)
