काठमाडौं । नेपालको पुरुष कबड्डी टिमले बिच वर्ल्ड कप कबड्डी खेल्ने भएको छ ।
ईरानको एन्जल शहरमा सेप्टेम्बर २५ देखि ३० सम्म आयोजना हुने वर्ल्ड कप कबड्डीमा नेपालले सहभागीता जनाउने भएको हो ।
आईतबार राष्ट्रिय खेलकुद परिषद् राखेपमा वर्ल्ड कप कबड्डीमा सहभागी हुने नेपाली खेलाडी तथा अफिसियललाई बिदाई गरिएको छ ।
राखेप सदस्य सचिव टंकलाल घिसिङले खेलाडीको बिदाई गर्दै ऐतिहासिक सफलताका लागि शुभकामना दिएका छन् ।
प्रतियोगितामा नेपाल सहित विश्वका उत्कृष्ट १० टिम सहभागी हुने नेपाल कबड्डी संघका महासचिव अरबिन्द कुमार झाले बताए । उनले नेपाल सहित ईशान, जर्मनी, डेनमार्क, केनिया, पाकिस्तान, इराक, तुर्किमिस्तान, लेबनान, ओमानले प्रतियोगिता खेल्ने बताए ।
वर्ल्ड कप कबड्डीमा नेपालबाट कल्याण भुजेल, रन्जित गजमेर, पदम विष्ट, रामु टमटा, गणेश पार्की र निरज चन्दले प्रतिस्पर्धा गर्नेछन् ।
प्रशिक्षकमा विष्णुदत्त भट्ट, टिम ब्यवस्थापकमा शरह दर्शनधारी र टेक्निकल अफिसरमा रामकेबल मुखिया छन् ।
