काठमाडौं। तेस्रो लायन्स कप गर्ल्स फुटसल प्रतियोगिताको उपाधि विश्वामित्र गणेश सेकेन्डरी स्कुलले जितेको छ।
लायन्स क्लब अफ काठमाडौँ रोयल फ्रेन्डसले आयोजना गरेको फुटसल प्रतियोगितामा भ्याली पब्लिक सेकेन्डरी स्कुललाई पराजित गर्दै विश्वामित्रले उपाधि हासिल गरेको हो।
जेठ २४ गतेदेखि शुरु भएको लिग कम नकआउटको आधारमा सञ्चालन गरिएको यस प्रतियोगितामा १६ वटा विद्यालयहरूले भाग लिएका थिए।
प्रतियोगितामा सर्वोकृष्ट एवम् उच्च गोलकर्ताको पुरस्कार मन्जिला तामाङले पाइन्। मन्जिला तिनै खेलाडी हुन्, जसले गत वर्ष यसै प्रतियोगिताको दोस्रो संस्करणमा उत्कृष्ट खेलाडी भई आयोजक द्वारा अमेरिकाको न्युजर्सी मा तालीममा सहभागी हुने अवसर प्राप्त गरेकी थिइन्।
