काठमाडौँ। नेपाली धाविका सुनमाया बूढा ट्रान्सभुल्कानिया अल्ट्रा म्याराथनमा तेस्रो भएकी छन्।
स्पेनको क्यानरी आइल्यान्डस्थित भोल्क्यानिक आइल्यान्ड ला पाल्मामा भएको उक्त अल्ट्रा म्याराथनमा सुनमाया तेस्रो भएकी हुन्। उनले ७२ किलोमिटरको दूरी ८ घण्टा २० मिनेट ३१ सेकेन्डमा पूरा गरिन्।
पहिलो भएकी रुथ क्रोफ्टले ८ घन्टा २ मिनेट ४९ सेकेन्डमा उक्त दूरी पूरा गरिन्।दोस्रो भएकी इदा निल्सनले उक्त दूरी ८ घन्टा १६ मिनेट ३२ सेकेन्डमा पूरा गरिन्।
