बुटवल। तीर्थ पुनले लुम्बिनी पिस म्याराथनको जितेका छन्।
रुपन्देहीको लुम्बिनीमा शनिबार सम्पन्न प्रतियोगितामा तीर्थ विजेता बनेका हुन्।
उनले निर्धारित दुरी २ घन्टा २० दशमलव ४९ सेकेन्डमा पूरा गरे। उपाधिसहित तीर्थले ५ लाख रुपैयाँ प्राप्त गरे।
निर्धारित दुरी खड्गबहादुर खड्काले २ घन्टा २० दशमलव ५७ सेकेन्डमा पार गरे। उनी दोस्रो बने। दुर्गाबहादुर बूढा तेस्रो भए। उनले निर्धारित दुरी २ घन्टा २२ दशमलव २७ सेकेन्डमा पार गरे।
खड्गले ३ लाख र दुर्गाले २ लाख रुपैयाँ प्राप्त गरे। प्रदेश खेलकुद परिषद् लुम्बिनी र नेपाल ओलम्पिक कमिटीको सहकार्यमा पिस म्याराथन आयोजना गरिएको हो।
