आयल निगम र एनआईएमबी फाइनलमा

काठमाडौं । नेपाल आयल निगम र नेपाल इन्भेष्टमेन्ट मेगा बैंक एनआईएमबी आरबीबीएल–इसान कप तेश्रो फुटसल प्रतियोगितामा फाइनलमा प्रवेश गरेका छन् ।

राष्ट्रिय वाणिज्य बैंकको मुख्य प्रायोजनमा कर्मचारी खेलकुद प्रतिष्ठान नेपाल इसानद्वारा आयोजित प्रतियोगिताको सेमिफाइनलमा आयल निगमले नेपाल बैंक लिमिटेडलाई ४–१ गोलले पराजित गर्यो ।

विजयी टिमका लागि राम विश्वकर्मा र लक्ष्मण विश्वकर्माले समान २–२ गोल गरे । नेपाल बैंकबाट सन्जिव जोशीले सान्त्वना गोल  गरे ।

सोल्टीमोडस्थित चैत्य फुटसलमा भएको अर्को सेमिफाइनलमा एनआईएमबीले काठमाडौं उपत्यका खानेपानी लिमिटेडलाई १–० गोलले हरायो ।

एनआईएमबीका पविक्रम कार्कीले निर्णयक गोल गरे ।

प्रतियोगिता सोमबार सम्पन्न हुनेछ । शीर्ष तीन स्थान हात पार्ने टिमले क्रमशः ५० हजार, ३० हजार र २० हजार नगद पुरस्कार प्राप्त गर्ने छन् ।