सबिन रेग्मी ।
कास्की । पोखरा अन्तराष्ट्रिय म्याराथनको उपाधि केन्याली खेलाडी जुलियस मुरिउकी वाहोमले जितेका छन् ।
पोखरामा शनिबार भएको प्रतियोगितामा वाहोमले निर्धारित दुरी २ घण्टा १९ दशमलव ३६ सेकेन्डमा पार गर्दै उपाधि जितेका हुन् ।
उनले उपाधि सहित ५ लाख रुपैयाँ प्राप्त गरेका छन् ।
शीर्ष तीन स्थानमा केन्याली खेलाडीले कब्जा जमाउँदा इस्साक किहारा कामिरी दोस्रो र एडविन किपलागट तेस्रो भए ।
कामिरीले निर्धारित दुरी २ घण्टा २० दशमलव ०५ सेकेन्डमा पार गरे भने किपलागटले २ घण्टा २० दशमलव ४५ सेकेन्डको समय लगाए ।
दोस्रो बनेका कामिरीले ३ लाख र तेस्रो बनेका किपलागटले २ लाख रुपैयाँ प्राप्त गरे ।
नेपालका किरण बोगटीले २ घण्टा २४ दशमलव ०२ सेकेन्डको समय लगाएर चौथों स्थान हासिल गरे ।
गण्डकी प्रदेशतर्फ सफल लामा, देव प्रसाद जलारी र मनोज अधिकारी क्रमश पहिलो, दोश्रो र तेश्रो भए ।
महिला २१ किमितर्फ सन्तोषी श्रेष्ठले पोखरा अन्तर्राष्ट्रिय म्याराथनमा कोर्स रेकर्ड दर्ता गरिन् । उनले १ घन्टा १८ मिनेट ३९ सेकेण्डमा दुरी पार गर्दै नगद रु १ लाख ५० हजार प्राप्त गरिन् ।
२१ किमि महिलातर्फ केन्याली अवीजल जेरोप १ घन्टा १९ मिनेट ०२ सेकेण्डमा दुरी पार गर्दै दोश्रो हुँदा राममायाँ बुढा १ घन्टा १९ मिनेट २२ सेकेण्डमा दुरी पार गर्दै तेश्रो र १ घन्टा २१ मिनेट ०७ सेकेण्डमा दुरी पार गरेकी फुलमती राना चौथो भइन् ।
यस्तै पुरुष १० किमि दौडमा ३१ मिनेट १५ सेकेण्डमा दुरी पार गरी टंक बहादुर कार्की पहिलो, सुवास कार्की दोश्रो हुँदा ३२ मिनेट ३७ सेकेण्ड लगाए भने, तेश्रो भएका सन्जिब नेपाली तेश्रो ३३ मिनेट २९ सेकेण्डमा दुरी पार गरे ।
महिला १० किमि दौडमा ४२ मिनेट १६ सेकेण्डमा दुरी पार गरी आशा रावत पहिलो हुँदा ४२ मिनेट २४ सेकेण्डमा दुरी पार गरेकी सिमा चौधरी दोश्रो र ४४ मिनेट २१ सेकेण्डमा दुरी पार गर्दै नम्रता गुरुङ तेश्रो भएकी छन् ।
५ किछि छात्र दौडमा तेन्जन रोक्का मगर पहिलो, प्रकाश थिङ दोश्रो र इश्वर ढकाल तेश्रो भए भने छात्रातर्फ नारायणी भण्डारी पहिलो, गिता श्रेष्ठ दोश्रो र एन्जीला जिटी तेश्रो भइन् ।
५ किमि भेट्रान पुरुषतर्फ कपिल श्रेष्ठ, आइलाल शाही, निम बहादुर थापा क्रमश पहिलो, दोश्रो र तेश्रो भए भने महिलातर्फ चित्रा गुरुङ, विष्णु कुमारी गुरुङ र चेत माया पगेनी क्रमश पहिलो, दोश्रो र तेश्रो भएका छन् ।
नेपाल भुतपूर्व खेलाडी मञ्चले आयोजना गरेको प्रतियोगितामा १४ देशका धावकले सहभागीता जनाएको आयोजकले जानकारी दिएको छ ।
