काठमाडौं । न्युजिल्याण्डले फिफा महिला विश्वकप फुटबल २०२३ मा विजयी सुरुआत गरेको छ ।
इडेन पार्कमा बिहीबार भएको उद्घाटन खेलमा नर्वेलाई १-० गोल अन्तरले हराउँदै घरेलु टोली न्युजिल्याण्डले सुखद सुरुआत गरेको हो ।
न्युजिल्याण्डको जितमा हन्नाह विल्किन्सनले निर्णायक गोल गरिन् । विल्किन्सनले खेलको ४८ औं मिनेटमा गोल गरिन् ।
जितसँगै समूह 'ए' को न्युजिल्याण्डले तीन अंक जोडेको छ । नर्वेले हारबाट प्रतियोगिताको सुरुआत गरेको छ ल
प्रतियोगिता अन्तर्गत बिहीबार अर्को आयोजक अष्ट्रेलिया र रिपब्लिक अफ आयरल्याण्ड भिड्ने छन् ।
अष्ट्रेलिया र न्युजिल्याण्डमा संयुक्त रुपमा जारी विश्वकपमा ३२ टोलीको सहभागिता रहेको छ ।
