मनाङलाई एनआरटीले हरायो

काठमाडौं । सहिद स्मारक 'ए' डिभिजन लिग फुटबलमा न्युरोड टिम (एनआरटी) ले जित निकालेको छ ।

च्यासल मैदानमा बुधबार एनआरटीले मनाङ मर्स्याङ्दी क्लबलाई १-० गोल अन्तरले हराएको हो ।

एनआरटीको जितमा दिपेश आले मगरले निर्णायक गोल गरे ।

दिपेशले खेलको १७ औं मिनेटमा गोल गरे ।

एनआरटीको यो आठौं जित हो ।

जितसँगै एनआरटीले २५ खेलमा ३३ अंक जोडेको छ ।

एनआरटी छैटौं स्थानमा उक्लिएको छ ।

मनाङले २५ खेलमा ३२ अंक जोडेको छ ।

मनाङ सातौं स्थानमा रहेको छ ।