सातदोबाटोले जावलाखेललाई हरायो

काठमाडौं । सहिद स्मारक 'ए' डिभिजन लिग फुटबलमा सातदोबाटो युथ क्लबले जित निकालेको छ ।

त्रिपुरेश्वरस्थित दशरथ रंगशालामा मंगलबार सातदोबाटोले जावलाखेल युथ क्लबलाई १-० गोल अन्तरले हराएको हो ।

सातदोबाटोको जितमा सार्दोरबेक मतमुरातोभले निर्णायक गोल गरे ।

सार्दोरबेकले खेलको ७४ औं मिनेटमा निर्णायक गोल गरेका थिए ।

सातदोबाटोको यो दशौँ जित हो । सातदोबाटोले २५ खेलमा ३५ अंक जोडेको छ ।

सातदोबाटो पाँचौं स्थानमा रहेको छ ।

जावलाखेलले २५ खेलमा ३७ अंक जोडेको छ ।

जावलाखेल चौंथो स्थानमा रहेको छ ।