काठमाडौं । सहिद स्मारक 'ए' डिभिजन लिग फुटबलमा संकटा क्लबले जित निकालेको निकालेको छ ।
एन्फा कम्प्लेक्समा आइतबार संकटाले एफसी खुमलटारलाई ३-० गोल अन्तरले हराएको हो ।
संकटाको जितमा निशान खड्का, आयुष घलान र चन्दन कुमार दासले एक एक गोल गरे ।
खेलको १६ औं मिनेटमा निशानले गोल गर्दै संकटालाई सुरुआती अग्रता दिलाएका थिए ।
३८ औं मिनेटमा आयुषले गोल गर्दै टोलीको अग्रता २-० को बनाए ।
त्यसपछि खेलको ७८ औं मिनेटमा चन्दनले गोल गर्दै संकटालाई ३-० को जित दिलाए ।
संकटाको यो सातौं जित हो ।
जितसँगै संकटाले २४ खेलमा ३० अंक जोडेको छ ।
संकटा ११ औं स्थानमा रहेको छ ।
खुमलटार २४ खेलमा २४ अंक जोडेर पुछारमा रहेको छ ।
यस हारले खुमलटार रेलिगेसनमा पर्ने सम्भावना बलियो बनेको छ ।
