काठमाडौं । सहिद स्मारक 'ए' डिभिजन लिग फुटबलमा सातदोबाटो युथ क्लबले जित निकालेको छ ।
च्यासल मैदानमा शनिबार भएको खेलमा सातदोबाटोले त्रिभुवन आर्मी क्लबलाई २-१ गोल अन्तरले हराएको हो ।
सातदोबाटोको जितमा शिव सुवेदी र दिपेन्क राज सिंह ठकुरीले एक एक गोल गरे ।
आर्मीका नवयुग श्रेष्ठले एक गोल फर्काए ।
खेलको दोस्रो मिनेटमा शिवले गोल गर्दै सातदोबाटोलाई सुरुआती अग्रता दिलाएका थिए ।
तर, खेलको २९ औं मिनेटमा नवयुगले गोल गर्दै आर्मीलाई १-१ गोलको बराबरीमा ल्याएका थिए ।
नवयुगले प्रहार गरेको पेनाल्टी सातदोबाटोका गोलकिपर अविशेक बरालले रोकेका थिए । तर, रिबाउन्डमा नवयुगले गोल गरेका थिए ।
त्यसपछि खेलको ६३ औं मिनेटमा दिपेन्कले पेनाल्टी मार्फत गोल गर्दै सातदोबाटोलाई २-१ को जित दिलाए ।
सातदोबाटोको यो नवौं जित हो ।
जितसँगै सातदोबाटोले २४ खेलमा ३२ अंक जोडेको छ ।
आर्मीले २४ खेलमा ३० अंक जोडेको छ ।
