आर्मी र मछिन्द्रको बराबरी

काठमाडौं । सहिद स्मारक 'ए' डिभिजन लिग फुटबलमा त्रिभुवन आर्मी क्लब र मछिन्द्र फुटबल क्लबले बराबरी खेल्दै अंक बाडेका छन् ।

च्यासल मैदानमा शनिबार आर्मी र मछिन्द्रले १-१ गोलको बराबरी खेलेका छन् ।

प्रतिस्पर्धात्मक खेलमा सुरुआती अग्रता भने आर्मीले बनाएको थियो ।

खेलको १७ औं मिनेटमा दिनेश हेन्जनले गोल गर्दै आर्मीलाई सुरुआती अग्रता दिलाएका थिए ।

तर, खेलको ६० औं मिनेटमा आर्मीका युद्द शाहीले आत्मघाती  गोल गरेपछि मछिन्द्र हारबाट जोगिएको हो ।

यस बराबरीसँगै आर्मीले २२ खेलमा ३० अंक जोडेको छ ।

मछिन्द्र २२ खेलमा ३६ अंक जोडेर दोस्रो स्थानमा रहेको छ ।