काठमाडौं । सहिद स्मारक 'ए' डिभिजन लिग फुटबलमा हिमालयन शेर्पा क्लबले जित निकालेको छ ।
त्रिपुरेश्वरस्थित दशरथ रंगशालामा शुक्रबार भएको खेलमा हिमालयनले थ्री स्टार क्लबलाई १-० गोल अन्तरले हराएको हो ।
हिमालयनको जितमा निशान लिम्बुले निर्णायक गोल गरे । निशानले खेलको इन्जुरी समयमा गोल गरेका थिए ।
हिमालयनको यो सातौं जित हो ।
हिमालयन २१ खेलमा २९ अंक जोडेर छैटौं स्थानमा उक्लिएको छ ।
थ्री स्टारको यो सातौं हार हो ।
थ्री स्टार २१ खेलमा २६ अंक जोडेर नवौं स्थानमा रहेको छ ।
