एपीएफले संकटालाई हरायो

काठमाडौं । सहिद स्मारक 'ए' डिभिजन लिग फुटबलमा एपीएफ क्लबले जित निकालेको  छ ।

च्यासल मैदानमा बुधबार एपीएफ संकटा क्लबलाई २-१ गोल अन्तरले हराएको हो ।

एपीएफको जितमा आवाश लामिछानेले दुई गोल गरे ।

संकटाका मनिस डाँगीले एक गोल फर्काए ।

खेलको २५ औं मिनेटमा आवाशले गोल गर्दै एपीएफलाई सुरुआती अग्रता दिलाएका थिए ।

पहिलो हाफको इन्जुरी समयमा आवाशले व्यक्तिगत दोस्रो गोल गर्दै एपीएफलाई २-० को अग्रता दिलाए ।

त्यसपछि खेलको ५० औं मिनेटमा मनिसले गोल गरेपनि संकटा २-१ ले स्तब्ध भयो ।  

एपीएफको यो सातौं जित हो । एपीएफले २१ खेलमा २६ अंक जोडेको छ ।

एपीएफ सातौं स्थान्म्मा रहेको छ ।

संकटाले २१ खेलमा २३ अंक जोडेको छ । 

संकटा १२ औं स्थानमा रहेको छ ।