काठमाडौं । सहिद स्मारक 'ए' डिभिजन लिग फुटबलमा सातदोबाटो युथ क्लबले थ्री स्टार क्लबलाई हराएको छ ।
त्रिपुरेश्वरस्थित दशरथ रंगशालामा शनिबार भएको खेलमा सातदोबाटोले थ्री स्टारलाई २-० गोल अन्तरले हराएको छ ।
ललितपुर डर्बीमा सातदोबाटोलाई जित दिलाउन दुबै गोल विलियम ओपोकुले गरे ।
खेलको २४ औं मिनेटमा विलियमले गोल गर्दै सातदोबाटोलाई सुरुआती अग्रता दिलाएका थिए ।
त्यसपछि खेलको ४७ औं मिनेटमा विलियमले फ्रिकिकमार्फत व्यक्तिगत दोस्रो गोल गर्दै सातदोबाटोलाई २-० को जित दिलाए ।
यस जितसँगै सातदोबाटोले पहिलो लेगमा थ्री स्टारसँग व्यहोरेको हारको बदला लिएको छ ।
पहिलो लेगमा थ्री स्टारले सातदोबाटोलाई १-० ले हराएको थियो ।
सातदोबाटोको यो आठौं जित हो । सातदोबाटोले १९ खेलमा २९ अंक जोडेको छ ।
सातदोबाटो चौंथो स्थानमा रहेको छ ।
थ्री स्टार १९ खेलमा २६ अंक जोडेर पाँचौं स्थानमा रहेको छ ।
-1732845388.webp)
