काठमाडौं । सहिद स्मारक 'ए' डिभिजन लिग फुटबल अन्तर्गत आज शनिबार एक खेल हुँदैछ ।लिगको दोस्रो लेगको छैटौं चरण अन्तर्गत शनिबार अन्तिम एक खेल हुँदैछ ।
त्रिपुरेश्वरस्थित दशरथ रंगशालामा हुने खेलमा थ्री स्टार क्लब र सातदोबाटो युथ क्लबबीच प्रतिस्पर्धा हुनेछ । थ्री स्टार र सातदोबाटोबीचको खेल साँझ ६ बजे सुरु हुनेछ ।
थ्री स्टार आज सातौं जितको योजनामा हुनेछ । थ्री स्टार १८ खेलमा २६ अंक जोडेर पाँचौं स्थानमा रहेको छ ।
सातदोबाटो आठौं जितको खोजीमा हुनेछ । सातदोबाटो १८ खेलमा २६ अंक जोडेर चौंथो स्थानमा रहेको छ ।
पहिलो लेगमा थ्री स्टारले सातदोबाटोलाई हराएको थियो । दशरथ रंगशालामै भएको खेलमा थ्री स्टारले सातदोबाटोलाई १-० ले हराएको थियो ।
थ्री स्टारको जितमा आदित्य शाक्यले निर्णायक गोल गरेका थिए ।
आज थ्री स्टार उक्त जितलाई निरन्तरता दिन चाहन्छ ।
सातदोबाटो भने पहिलो भेटमा व्यहोरेको हारको बदला लिन चाहन्छ ।
-1732845388.webp)
