चर्च ब्वाइजलाई ४ अंकको अग्रता

काठमाडौं । सहिद स्मारक 'ए' डिभिजन लिग फुटबलमा शीर्ष स्थानको चर्च ब्वाइज युनाईटेडले जित निकालेको छ ।

त्रिपुरेश्वरस्थित दशरथ रंगशालामा शुक्रबार चर्च ब्वाइजले नेपाल पुलिस क्लबलाई १-० गोल अन्तरले हराएको हो ।

चर्च ब्वाइजको जितमा मिलन राईले निर्णायक गोल गरे । मिलनले पहिलो हाफको इन्जुरी समयमा गोल गरे ।

कमल श्रेष्ठको कर्नरमा मिलनले हेडमार्फत उत्कृष्ट गोल गरे । 

चर्च ब्वाइजको यो दशौँ जित हो ।

जितसँगै चर्च ब्वाइजले शीर्ष स्थानमा ४ अंकको अग्रता बनाएको छ ।

चर्च ब्वाइजले १९ खेलमा ३६ अंक जोडेको छ ।

पुलिस १९ खेलमा २२ अंक जोडेर १२ औं स्थानमा रहेको छ ।