काठमाडौं । चर्च ब्वाइज युनाईटेड सहिद स्मारक 'ए' डिभिजन लिग फुटबलको शीर्ष स्थानमा उक्लिएको छ ।
त्रिपुरेश्वरस्थित दशरथ रंगशालामा मंगलबार सातदोबाटो युथ क्लब लाई १-० गोल अन्तरले हराएर चर्च ब्वाइज शीर्ष स्थानमा उक्लिएको हो ।
चर्च ब्वाइजको जितमा सुभास गुरुङले निर्णायक गोल गरे ।
सुभासले खेलको ६३ औं मिनेटमा गोल गरेका थिए ।
यस जितसँगै चर्च ब्वाइजले १८ खेलमा ३३ अंक जोडेको छ ।
चर्च ब्वाइज दोस्रो स्थानको जावलाखेल युथ भन्दा २ अंकले अघि रहेको छ ।
सातदोबाटो १८ खेलमा २६ अंक जोडेर पाँचौं स्थानमा रहेको छ ।
-1732845388.webp)
