काठमाडौं । सेन्ट्रल एसियन भलिबल एसोसिएसन (काभा) महिला भलिबल च्यालेन्ज कपको तयारी पूरा भएको छ ।
नेपाल भलिबल संघले सोमबार पत्रकार सम्मेलनबाट यही जेठ ८ देखि १४ गतेसम्म नेपालमा आयोजना हुने काभा महिला च्यालेन्ज कपको तयारी पूरा भएको जानकारी दिएको छ ।
संघका अध्यक्ष तथा प्रतियोगिताका संयोजक जितेन्द्रबहादुर चन्दले प्रतियोगितालाई सफल रुपमा आयोजना गर्न आफूहरु लागिपरेको बताए ।
यसअघि नेपालले २०१९ मा पुरुषतर्फ एभिसी सेन्ट्रल जोन भलिबल प्रतियोगिता आयोजना गरिसकेको छ । १३ औं दक्षिण एसियाली खेलकुद (साग) मा महिला र पुरुष दुवैको प्रतियोगिताको व्यस्थापकीय पुरा गरेको थियो ।
यस पटक नेपाली महिलो भलिबल टोलीकी नियमित सदस्य प्रतिभा माली चोटका कारण टिममा छैनन् । उनी नहुँदा अन्य खेलाडीहरुले पनि राम्रो प्रदर्शन गर्नुपर्ने टोलीका प्रशिक्षक जगदीश भट्टले बताए ।
त्रिपुरेश्वरस्थित राखेपको कर्भड हलमा आयोजना हुने सो प्रतियोगितामा दक्षिण एसिया तथा सेन्ट्रल एसियाका ८ राष्ट्रको सहभागीता रहने छ ।
प्रतियोगितामा बंगलादेश, भारत, माल्दिभ्स, श्रीलंका, कजाकस्तान, कीर्गिस्तान, उज्वेकिस्तान र आयोजक नेपालको सहभागीता रहने छ ।
प्रतियोगिताको आयोजनाको खर्च अनुमानीत २ करोड ७१ लाख रहेको संघले बताएको छ । प्रतियोगिताका लागि विभिन्न सहयोगी संस्थाहरुले समेत सहयोग गर्न छन् । ।
प्रतियोगिता आयोजनाका लागि केही समय अघि नेपाल भलिबल संघका अध्यक्ष जितेन्द्र बहादुर चन्द र काभाका अध्यक्ष मोहमद लाथिफले सम्झौता पत्रमा हस्ताक्षर गरेका थिए ।
मुख्य प्रशिक्षक जान जोसे डी ब्रान्टको नेतृत्वमा नेपाली महिला टोलीको तयारी समेत अन्तिम चरणमा पुगेको कार्यक्रममा बताईयो ।
-1732671005.webp)
