काठमाडौं । सहिद स्मारक ए डिभिजन लिगमा मछिन्द्र फुटबल क्लबले थ्री स्टारलाई हराएको छ ।
च्यासल मैदानमा शनिबार भएको खेलमा मछिन्द्रले थ्री स्टारमाथि १–० को जित निकालेको हो । मछिन्द्रको जितमा युटा सुजुकीले खेलको नवौं मिनेटमा विजयी गोल गरे ।
जित सहित मछिन्द्र उपाधि होडमा फर्किएको छ । उसको शीर्ष स्थानको जावलाखेलसँगको दुरी तीन अंकको मात्र रहेको छ ।
मछिन्द्रले १७ चरणको खेलको समाप्तिमा २७ अंक जोडेको छ । थ्री स्टार २५ अंक सहित पाँचौं स्थानमा छ । लिगमा शानदार सुरुआत गरेको थ्री स्टार पछिल्लो खेलमा नतिजाका हिसाबले खस्किएको छ ।
थ्री स्टारविरुद्ध प्राप्त जितले मछिन्द्रलाई उपाधि होडमा फर्काएको छ । शीर्ष क्लब चर्च ब्वाईजले शनिबार ब्यहोरेको हारले उपाधि होडलाई थप खुकुलो बनाईदिएको छ ।
-1732845388.webp)
