काठमाडौं । सहिद स्मारक ए डिभिजन लिग फुटबलमा जावलाखेल युथ क्लबले फ्रेन्ड्स क्लबमाथि शानदार जित निकालेको छ । बिहीबार च्यासल मैदानमा भएको ललितपुरे डर्बीमा जावलाखेलले फ्रेन्ड्सलाई ४–१ गोल अन्तरले हराएको हो ।
फ्रेन्ड्समाथि शानदार जित सहित जावलाखेल लिग तालिकाको शीर्ष स्थानमा फर्किएको छ । र समान ३० अंक बनाएर चर्च ब्वाईजमाथि दबाब बढाएको छ । यद्धपी चर्चले एक खेल कम गरेको छ । फ्रेन्ड्स १९ अंक सहित तालिकाको ११ औं स्थानमा यथावत छ ।
खेलको २० औं मिनेटमा राहुलले गोल गर्दै जावलाखेललाई सुरुआती अग्रता दिलाएका थिए । त्यसको ६ मिनेटमा एनकोटो मासाबीले जावलाखेलको अग्रतालाई दोब्बर बनाउने काम गरे । ६३ औं मिनेटमा उनै मासाबीले पेनाल्टीमा गोल गर्दै जावलाखेललाई ३–० ले अघि बढाएका थिए ।
खेल सकिन ११ मिनेट अघि श्याम बाबु कक्षपतीले गोल गर्दै अन्तरलाई घटाउने काम गरेका थिए । तर इन्जुरी समयमा फोडे फोफानाले गोल गर्दै जावलाखेललाई फराकिलो जित दिलाए ।
जितसँगै उपाधि होडमा जावलाखेलले बलियो दाबेदारीता प्रस्तुत गरेको छ । फ्रेन्ड्समाथि रेलिगेशनको डर अझैपनि यथावत रहेको छ ।
-1732845388.webp)
