मछिन्द्रलाई हराउँदै चर्च ब्वाईज शीर्ष स्थानमा 

काठमाडौं । सहिद स्मारक ए डिभिजन लिग फुटबलमा चर्च ब्वाईज युनाईटेडले मछिन्द्र क्लबलाई हराएको छ । एन्फा कम्प्लेक्स सातदोबाटोमा बुधबार चर्च ब्वाईजले मछिन्द्रलाई २–१ गोल अन्तरले हरायो । 

खेलमा अग्रता चर्च ब्वाईजले अन्जन विष्टको गोलमा खेलको ४० औं मिनेटमा लिएको थियो ।

ओमोलाजा करिमले ६६ औं मिनेटमा मछिन्द्रका लागि बराबरी गोल फर्काएका थिए । ७१ औं मिनेटमा प्रदीप भण्डारीले आत्मघाति गोल गरेपछि चर्च ब्वाईज २–१ ले अघि बढेको थियो । 

जित सहित चर्च ब्वाईज तालिकाको शीर्ष स्थानमा उक्लिएको छ । उसले १६ खेलबाट ३० अंक जोडेको छ । उसले दोस्रो स्थानको जावलाखेलसँग तीन अंकको अग्रता लिएको छ ।

मछिन्द्र २४ अंक सहित तालिकाको चौथों स्थानमा छ ।