काठमाडौं । चर्च ब्वाइज युनाईटेड सहिद स्मारक 'ए' डिभिजन लिग फुटबलको शीर्ष स्थान उक्लिएको छ ।
च्यासल मैदानमा शनिबार न्युरोड टिम एनआरटीलाई ४-१ गोल अन्तरले हराउँदै चर्च ब्वाइज शीर्ष स्थान उक्लिएको हो।
चर्च ब्वाइजको जितमा अन्जन विष्टले ह्याट्रिक गोल गरे । सुशील शाहले एक गोल थपे ।
एनआरटीका दिपेश आले मगरले एक गोल फर्काए ।
खेलको ४० औं मिनेटमा सुशीलले गोल गर्दै चर्च ब्वाइजलाई सुरुआती अग्रता दिलाएका थिए ।
खेलको ५२ औं मिनेटमा अन्जनले गोल गर्दै चर्च ब्वाइजलाई २-० को अग्रता दिलाए ।
खेलको ६० औं मिनेटमा अन्जनले व्यक्तिगत दोस्रो गोल गर्दै चर्च ब्वाइजलाई ३-० को अग्रता दिलाए ।
खेलको ८५ औं मिनेटमा अन्जनले पेनाल्टी मार्फत ह्याट्रिक पूरा गर्दै चर्च ब्वाइजलाई ४-० को अग्रता दिलाए ।
त्यसपछि खेलको इन्जुरी समयमा दिपेशले गोल गरेपनि चर्च ब्वाइज ४-१ ले विजयी भयो ।
शीर्ष स्थानमा उक्लिएको चर्च ब्वाइजको यो सातौं जित हो । चर्च ब्वाइजले १५ खेलमा २७ अंक जोडेको छ ।
एनआरटीको छैटौं हार हो । एनआरटीले १५ खेलमा १७ अंक जोडेको छ ।
-1732845388.webp)
