काठमाडौं । सहिद स्मारक 'ए' डिभिजन लिग फुटबलमा एपीएफ क्लब र न्युरोड टिम एनआरटीले बराबरी खेल्दै अंक बाडेका छन् ।
एन्फा कम्प्लेक्समा बिहीबार एपीएफ र एनआरटीले १-१ गोलको बराबरी खेल्दै अंक बाडेका हुन् ।
खेलमा सुरुआती अग्रता भने एनआरटीले बनाएको थियो ।
खेलको ५७ औं मिनेटमा लालनुनजामाले गोल गर्दै एनआरटीलाई अग्रता दिलाएका थिए ।
तर, खेलको इन्जुरी समयमा एडमा डोम्बियाले गोल गर्दै एपीएफलाई हारबाट जोगाए ।
यस बराबरीसँगै एपीएफले १४ खेलमा १९ अंक जोडेको छ ।
एपीएफ सातौं स्थानमा रहेको छ ।
एनआरटीले १४ खेलमा १७ अंक जोडेको छ ।
एनआरटी नवौं स्थानमा रहेको छ ।
