काठमाडौं । सहिद स्मारक 'ए' डिभिजन लिग फुटबलमा साविक विजेता मछिन्द्र फुटबल क्लबले जित निकालेको छ ।
त्रिपुरेश्वरस्थित दशरथ रंगशालामा बिहीबार मछिन्द्रले संकटा क्लबलाई ३-१ गोल अन्तरले हराएको हो।
मछिन्द्रको जितमा देवेन्द्र तामाङ, आफिज ओलावाले र विमल घर्ति मगरले एक एक गोल गरे ।
संकटाका जुनियर एनकेनगुएले एक गोल फर्काए ।
खेलको चौंथो मिनेटमा देवेन्द्रले गोल गर्दै मछिन्द्रलाई सुरुआती अग्रता दिलाएका थिए ।
६९ औं मिनेटमा ओलावालेले गोल गर्दा मछिन्द्र २-० ले अघि रह्यो ।
खेलको ७८ औं मिनेटमा जुनियरले गोल गर्दै संकटालाई २-१ को स्थितिमा ल्याए ।
त्यसपछि खेलको ८९ औं मिनेटमा विमलले गोल गर्दै मछिन्द्रलाई ३-१ को जित दिलाए ।
मछिन्द्रको यो पाँचौं जित हो । जितसँगै मछिन्द्र पाँचौं स्थानमा उक्लिएको छ।
मछिन्द्रले १४ खेलमा २१ अंक जोडेको छ ।
संकटाको छैटौं हार हो । संकटाले १४ खेलमा १६ अंक जोडेको छ ।
संकटा ११ औं स्थानमा रहेको छ ।
-1732845388.webp)
