पोखरा । दोस्रो मोहन मेमोरियल अल नेपाल नेसनल इन्टर स्कुल ब्याडमिन्टन प्रतियोगिता आयोजना हुने भएको छ ।
राष्ट्रिय खेलाडी स्व.मोहन नेपालीको सम्झनामा आयोजना हुने प्रतियोगिता बैशाख २७ देखि ३० गतेसम्म आयोजना हुनेछ ।
प्रतियोगितामा ७ कक्षा मुनिका निम्न माध्यमिक र १० कक्षा सम्मका माध्यमिक तहका बिद्यार्थीले प्रतिस्पर्धा गर्ने छन् ।
यस्तै पोखरा महानगर भित्रका वडा स्तरीय महिला र पुरुष डबल्स तथा मास्टर्स डबल्समा समेत प्रतिस्पर्धा हुनेछ ।
पोखरा रंगशालामा आयोजना हुने प्रतियोगिता अन्तर्गत विद्यालय स्तरका विजेतालाई आकर्षक गिफ्ट प्रदान गरिनेछ ।
वडा स्तरीय महिला र पुरुष डबल्स विजेताले ३०हजार, दोस्रोले २० हजार र तेस्रोले १० हजार पाउने छन् ।
३५ वर्षमाथि, ४५ वर्षमाथि र ५५ वर्षमाथिको डबल्स विजेताले३०हजार, दोस्रोले २० हजार र तेस्रोले १० हजार पाउने छन् ।
