काठमाडौं । सहिद स्मारक 'ए' डिभिजन लिग फुटबलमा चर्च ब्वाइज युनाईटेडले जित निकालेको छ ।
त्रिपुरेश्वरस्थित दशरथ रंगशालामा बुधबार चर्च ब्वाइजले फ्रेन्ड्स क्लबलाई २-१ गोल अन्तरले हराएको हो ।
चर्च ब्वाइजको जितमा अन्जन विष्ट र आशिष चापागाईले एक एक गोल गरे ।
फ्रेन्ड्सका बेन क्वान्साले एक गोल गरे ।
चर्च ब्वाइजले एक गोलको अग्रता उल्टाएर जित निकालेको हो ।
खेलको १४ औं मिनेट बेनले गोल गर्दै फ्रेन्ड्सलाई सुरुआती अग्रता दिलाएका थिए । उनले डोना थापाको फ्रिकिकमा हेडरमार्फत गोल गरे ।
तर, खेलको ८७ औं मिनेटमा अन्जनले पेनाल्टीमार्फत गोल गर्दै चर्च ब्वाइजलाई १-१ गोलको बराबरीमा ल्याए ।
फ्रेन्ड्सका बेनले रन्जित पान्द्रेलाई पेनाल्टी क्षेत्रभित्र लडाएपछि चर्च ब्वाइजले पेनाल्टी पाएको थियो । जसमा अन्जनले सहजै गोल गरे ।
त्यसपछि खेलको इन्जुरी समयमा आशिषले गोल गर्दै चर्च ब्वाइजलाई २-१ को जित दिलाए । उनले मौषम सुब्बाको पासलाई सदुपयोग गरे ।
चर्च ब्वाइजको यो छैटौं जित हो । जितसँगै चर्च ब्वाइजले १४ खेलमा २४ अंक जोडेको छ ।
चर्च ब्वाइज दोस्रो स्थानमा उक्लिएको छ ।
फ्रेन्ड्सले १४ खेलमा १५ अंक जोडेको छ ।
फ्रेन्ड्स सातौं स्थानमा रहेको छ ।
-1732845388.webp)
