पुलिससँग जावलाखेल स्तब्ध

काठमाडौं । सहिद स्मारक 'ए' डिभिजन लिग फुटबलमा शीर्ष स्थानको जावलाखेल युथ क्लब पराजित भएको छ ।

एन्फा कम्प्लेक्समा मंगलबार जावलाखेललाई नेपाल पुलिस क्लबले २-१ गोल अन्तरले हराएको हो ।

पुलिसको जितमा मोसेस ग्याबाह र अहमद हिजाजीले एक एक गोल गरे ।

जावलाखेलका विपिन कँडेलले एक गोल फर्काए ।

खेलको ३५ औं मिनेटमा मोसेसले गोल गर्दै पुलिसलाई सुरुआती अग्रता दिलाएका थिए ।

खेलको ८८ औं मिनेटमा हिजाजीले गोल गर्दै पुलिसलाई २-० को अग्रता दिलाए ।

त्यसपछि खेलको ८९ औं मिनेटमा जावलाखेलका विपिनले एक गोल गरेपनि पुलिस २-१ ले विजयी भयो ।

लिगमा पुलिसको यो चौंथो जित हो ।

जितसँगै पुलिसले १४ खेलमा १५ अंक जोडेको छ ।

पुलिस १० औं स्थानमा उक्लिएको छ ।

जावलाखेलको यो चौंथो हार हो ।

जावलाखेल १४ खेलमा २४ अंक जोडेर शीर्ष स्थानमा रहेको छ ।