चर्च ब्वाइज र मनाङबीचको खेल स्थगित

काठमाडौं । सहिद स्मारक 'ए' डिभिजन लिग फुटबल अन्तर्गत   चर्च ब्वाइज युनाईटेड र मनाङ मर्स्याङ्दी क्लबबीच तय भएको खेल स्थगित भएको छ ।

त्रिपुरेश्वरस्थित दशरथ रंगशालामा चर्च ब्वाइज र मनाङबीचको खेल साँझ ६ बजे सुरु हुने तालिका रहेको थियो । तर, भारी वर्षा र चट्याङको कारण खेल स्थगित भएको हो ।

अखिल नेपाल फुटबल संघ (एन्फा) ले चर्च ब्वाइज र मनाङबीचको खेल आइतबार हुने जनाएको छ । खेल दिउँसो साढे ३ बजे एन्फा कप्लेक्समा हुनेछ ।