काठमाडौं । सहिद स्मारक 'ए' डिभिजन लिग फुटबलमा रोयल ब्लु सातदोबाटो युथ क्लबले फराकिलो जित निकालेको छ।
च्यासल मैदानमा बुधबार भएको खेलमा सातदोबाटोले संकटा क्लबलाई ४-० गोल अन्तरले हराएको हो ।
सातदोबाटोको जितमा विलियम एसिडेउ र दीपक सिंह ठकुरीले दुई दुई गोल गरे ।
खेलको दशौँ मिनेटमा विलियमले गोल गर्दै सातदोबाटोलाई सुरुआती अग्रता दिलाएका थिए ।
१९ औं मिनेटमा विलियमले व्यक्तिगत दोस्रो गोल गर्दा सातदोबाटो २-० ले अघि रह्यो ।
खेलको ६८ औं मिनेटमा दीपकले गोल गर्दै सातदोबाटोलाई ३-० को अग्रता दिलाए ।
त्यसपछि खेलको ८३ औं मिनेटमा दीपकले व्यक्तिगत दोस्रो गोल गर्दै सातदोबाटोलाई ४-० को जित दिलाए ।
सातदोबाटोको यो छैटौं जित हो । सातदोबाटो १२ खेलमा २१ अंक जोडेर तेस्रो स्थानमा उक्लिएको छ ।
संकटाको यो पाँचौं हार हो । संकटा १२ खेलमा १५ अंक जोडेर नवौं स्थानमा रहेको छ ।
