फ्रेन्ड्सले एनआरटीलाई हरायो

काठमाडौं । सहिद स्मारक 'ए' डिभिजन लिग फुटबलमा फ्रेन्ड्स क्लबले जित निकालेको छ ।

 त्रिपुरेश्वरस्थित दशरथ रंगशालामा मंगलबार फ्रेन्ड्सले न्युरोड टिम एनआरटीलाई ३-१ गोल अन्तरले हराएको हो ।

फ्रेन्ड्सको जितमा राफिक अमिनु, टोरिक जेब्रिन र प्रकाश बुढाथोकीले एक एक गोल गरे ।

एनआरटीका सन्जिब विष्टले एक गोल फर्काए ।

खेलको १४ औं मिनेटमा अमिनुले गोल गर्दै फ्रेन्ड्सलाई सुरुआती अग्रता दिलाएका थिए ।

खेलको ४१ औं मिनेटमा सन्जिबले गोल गर्दै एनआरटीलाई १-१ गोलको बराबरीमा ल्याए ।

पहिलो हाफको इन्जुरी समयमा जेब्रिनले गोल गर्दै फ्रेन्ड्सलाई २-१ को अग्रता दिलाए ।

त्यसपछि खेलको ७६ औं मिनेटमा कप्तान प्रकाशले गोल गर्दै फ्रेन्ड्सलाई ३-१ को जित दिलाए ।

फ्रेन्ड्सको यो चौंथो जित हो । फ्रेन्ड्सले १२ खेलमा १४ अंक जोडेको छ ।

एनआरटीले १२ खेलमा १३ अंक जोडेको छ ।