पोखरा । पोखराका स्पन्दन उदास साउथ एसिया रिजनल टेनिसको लागि छनोट भएका छन् ।
गएको बैशाख ७ गते सम्पन्न भएको नेपाल टेनिस एसोसिएसनले आयोजना गरेको यु-१२ ब्वोइज टेनिसबाट उनी उत्कृष्टताको आधारमा छनौटमा परेका हुन् ।
उनले अब आगामि जेष्ठ २ देखि ६ गते सम्म बंगलादेशको ढाकामा आयोजना हुने आइटिएफ साउथ एसिया टिममा प्रतिस्पर्धा गर्न नेपालको प्रतिनिधित्व गदै सहभागिता जनाउने छन् ।
उनीसँगै सो प्रतियोगितामा भाग लिन काठमाडौंका असम सम्राट हाडा र युभेनमान श्रेष्ठ पनि ढाका जादै छन् ।
पोखराको गण्डकी बोडिङमा कक्षा ७ मा अध्ययनरत उनी पोखरा महानगरपालिका वडा ३ का स्थानिय रहेका छन् । उनले सानै उमेर देखिनै टेनिस खैल्दै आइरहेका छन् भने उनले राष्ट्रिय स्तरका प्रतियोगिता समेत सफतला प्राप्त गर्दै आइरहेका छन् ।
