मछिन्द्रले फ्रेन्ड्सलाई हरायो

काठमाडौं । सहिद स्मारक 'ए' डिभिजन लिग फुटबलमा साविक विजेता मछिन्द्र फुटबल क्लबले जित निकालेको छ ।

च्यासल मैदानमा शनिबार मछिन्द्रले फ्रेन्ड्स क्लबलाई २-१ गोल अन्तरले हराएको हो ।

मछिन्द्रको जितमा चेन्चो ग्याल्सेन र देवेन्द्र तामाङले एक एक गोल गरे ।

फ्रेन्ड्सका राफिक अमिनुले एक गोल फर्काए ।

खेलको ४५ औं मिनेटमा ग्याल्सेनले गोल गर्दै मछिन्द्रलाई सुरुआती अग्रता दिलाएका थिए । जारी लिगमा उनको यो पहिलो गोल हो ।

खेलको ६३ औं मिनेटमा देवेन्द्रले गोल गर्दै मछिन्द्रलाई २-० को अग्रता दिलाए । त्यसपछि खेलको ७६ औं मिनेटमा फ्रेन्ड्सका अमिनुले गोल गरेपनि मछिन्द्र २-१ ले विजयी भयो ।  

मछिन्द्रको यो चौंथो जित हो । मछिन्द्रले ११ खेलमा १६ अंक जोडेको छ । 

मछिन्द्र छैटौं स्थानमा रहेको छ ।

फ्रेन्ड्सले ११ खेलमा ११ अंक जोडेको छ । फ्रेन्ड्स १२ औं स्थानमा रहेको छ ।