काठमाडौं । सहिद स्मारक 'ए' डिभिजन लिग फुटबलमा न्युरोड टिम एनआरटीले जित निकालेको छ ।
च्यासल मैदानमा शुक्रबार भएको खेलमा एनआरटीले एपीएफलाई १-० गोल अन्तरले हराएको हो ।
एनआरटीको जितमा सन्जिब विष्टले निर्णायक गोल गरे । उनले खेलको ७९ औं मिनेटमा निर्णायक गोल गरेका थिए ।
एनआरटीको यो तेस्रो जित हो । एनआरटी ११ खेलमा १३ अंक जोडेर १० औं स्थानमा रहेको छ ।
एपीएफको यो पाँचौं हार हो । एपीएफ ११ खेलमा १४ अंक जोडेर आठौं स्थानमा रहेको छ ।
