फ्रेन्ड्सले संकटालाई हरायो 

काठमाडौं । सहिद स्मारक 'ए' डिभिजन लिग फुटबलमा फ्रेन्ड्स क्लबले संकटा क्लबलाई हराएको छ ।

त्रिपुरेश्वरस्थित दशरथ रंगशाला बुधबार फ्रेन्ड्सले संकटा क्लबलाई ३-१ गोल अन्तरले हराएको हो ।  

खेलको चौंथो मिनेटमा प्रकाश बुढाथोकीले गोल गर्दै फ्रेन्ड्सलाई सुरुआती अग्रता दिलाएका थिए ।

नवौं मिनेटमा जुनियर एनकेनगुएले गोल गर्दै संकटालाई १-१ गोलको बराबरीमा ल्याए ।

२५ औं मिनेटमा टोरीक जेब्रिनले गोल गर्दै फ्रेन्ड्सलाई २-१ को अग्रता दिलाए ।

त्यसपछि खेलको इन्जुरी समयमा राफिक एमिनुले गोल गर्दै फ्रेन्ड्सलाई ३-१ को जित दिलाए ।  

फ्रेन्ड्सको यो तेस्रो जित हो । फ्रेन्ड्स १० खेलमा ११ अंक जोडेर दशौँ स्थानमा उक्लिएको छ ।

संकटाको यो तेस्रो हार हो । संकटा १५ अंक जोडेर सातौं स्थानमा रहेको छ ।