काठमाडौं । सहिद स्मारक 'ए' डिभिजन लिग फुटबलमा एपीएफ क्लबले जित निकालेको छ ।
त्रिपुरेश्वरस्थित दशरथ रंगशाला बुधबार एपीएफले साविक विजेता मछिन्द्र फुटबल क्लबलाई १-० गोल अन्तरले हराएको हो ।
एपीएफको जितमा अर्मान्ड बिडोमले निर्णायक गोल गरे । उनले खेलको ३९ औं मिनेटमा गोल गरेका थिए ।
एपीएफको यो चौंथो जित हो । एपीएफले १० खेलमा १४ अंक जोडेको छ ।
एपीएफ आठौं स्थानमा उक्लिएको छ ।
साविक विजेता मछिन्द्रको यो तेस्रो हार हो । मछिन्द्रले १३ अंक जोडेको छ ।
मछिन्द्र १३ औं स्थानमा रहेको छ ।
